Sa sueod it daywang buean nga operasyon, ro Criminal Investigation and Detection Group Region 6 (CIDG-6) hay nakakumpiska it 156 loose firearms.
Base sa datus it CIDG-6 halin it Agosto hasta Setyembre, ro mga nakolektang armas hay ginaeakipan it surrendered firearms nga may expired licenses, nakumpiska sa operasyon ag turned-over para sa safekeeping.
66 katawo man ro nadakpan nga may armas nga owa it lisensya ag may pending warrant of arrest.
Pitong explosives ag 415 ammunitions man ro narekober.
Ro nasambit nga operasyon it CIDG hay sa idaeum it “Oplan Paglalansag Omega” it Philippine National Police.
Ginpahayag ni Police Colonel Gervacio Balmaceda Jr., CIDG-6 Chief, kaparte man segun raya it pagpahaum para sa May 2022 elections, bangud basi rayang mga tawo nga may baril hay pagagamiton it mga politiko nga goons. / ANN DESLENE SALAZAR
