Muling na-monitor ang isang Chinese research vessel sa bahagi ng Palawan.
Sa X post ni Sea Light director Ray Powell – sinabi nitong namataan ang Ke Xue San Hao sa layong 74 kilometers, ‘o 40 nautical miles, mula sa Palawan.
Aniya, nagsasagawa umano ito ng surveying sa bahagi ng Sabina Shoal mula pa noong July 25.
Kabilang sa mga maritime features na pasok sa surveyed area ay ang Frist Thomas Shoal (‘o Bulig Shoal sa Pilipinas), Bombay Shoal, Royal Captain Shoal, Northeast Investigator Shoal at Boxall Reef.
Kung maaalala – ang Ke Xue Hao na ito ay ang vessel ng China na nagsagawa rin ng research noon sa Philippine Rise, taong 2018.
