Himoong virtual sa City Government of Davao ang pagsaulog sa Chinese New Year sa umaabot sa January 31, 2022 sa gabie.
Kini matud pa ang hiniusang desisyon sa Davao City Government, Davao City Tourism Operations Office ug Davao City Chinatown Development Council aron malikayan ang pagdagsa sa mga tawo.
Bisan pa man virtual, giawhag sa lokal nga panggamhanan ang publiko nga makighiusa sa pagsaulog sa Chinese New Year sa syudad.
Gisiguro sa organizers nga malingaw ang publiko sanglit daghang mga aktibidad ang ipakita sa virtual celebration.
