Kabilang ang ilang bahagi ng West Philippine Sea (WPS) sa ipinatupad na pagbabawal sa pangingisda ng China sa South China Sea.
Ayon sa Department of Foreign Affairs, ang naturang fishing ban ay magpapataas lang ng tensyon sa pagitan ng Pilipinas at ng China.
Hindi raw maaaring magkaroon ng isang unilateral ban, at tila’y kumokontra rin sa naging bilateral discussions noong nakaraang taon sa pagitan nina Pangulong Bongbong Marcos at Chinese President Xi Jinping.
Nagsimula ang fishing ban ngayong Mayo, at magtatapos sa September 16.
Bago ito’y una nang nagpatupad ang China ng pag-aresto sa mga non-Chinese fishermen sa mga lugar na idiniriin nilang sa kanila.
