Nagpadayon ang imbestigasyon sa Digos City Police aron masuta kung si kinsa ang mipaluyo ug unsa ang motibo sa pagpusil patay sa Chairman sa Digos Padada Transport Cooperative sa Purok 9-A, Bonifacio Super Highway St., Brgy. Aplaya, Digos City, Davao del Sur.
Giila ang biktima nga si RONALD BATUKAEL SABANDAL, 50 anyos, minyo, ug residente sa Purok 9-A, Brgy. Aplaya, Digos City.
Subay sa imbestigasyon sa Digos PNP, samtang nagbaktas ang biktima pauli sailang balay gikan saiyang trabaho sa Digos Padada Transport Terminal nahimutang sa Rizal Avenue, Brgy, San Jose, dako na lamang ang kakurat sa mga nakakita human nga nakadungog sila og kusog nga buto sa armas, nasayran nga nagbuy-od na ang biktima sa dalan nga wala nay kinabuhi. Naigo ang biktima sa likod nga bahin saiyang ulo nga mireuslta saiyang hinanaling kamatayon.
Narekober sa kapulisan, ang bala nga gigamit sa suspek ug gipailawom na sa forensic investigation.
