Nagpositibo sa illegal nga droga ru sangka catering agent matapos nga gin paidaeom sa drug testing sa syudad it Iloilo.
Naka taeana nga iga inquest makarong adlaw ru akusado nga nabue-an it illegal nga droga nga si Robin Darylle alyas “Bin” Sijera, 32 anyos ag residente it Brgy. New Buswang, Kalibo, Aklan.
Paga kasuhan it pag-eabag sa Republic Act 9165 o Comprehensive Dangerous DRUGS Act of 2002 sa idaeom it Section 5 ag Section 11.
Uwa it pyansa nga gin taeana ru korte para sa temporaryong kahilwayan it akusado.
Kun matandaan, nabuoe it mga kapulisan ru 5 ka sachet it suspected shabu, drug paraphernalia ag cash sa suspek matapos mag himo it operasyon ru ginbihlog nga pwersa it Kalibo Intelligence Operative, Kalibo MPS, PDEA-Aklan, PDEU ag barangay officials sa Cardinal Sin Ave. Brgy. Pook, Kalibo, Aklan.//MARIVIC Y. ILIN
