Nagreport sa mga kapulisan ro 60 anyos nga babaye matapos segun nga ginrape ir 40-anyos nga eaeaki sa Pototan, Iloilo.
Base sa panaysayon it biktima, natabo ro krimen nga uwa ro live-in partner nana kara sa andang baeay.
Matapos ro pilang oras, naabutan pa segun it live-in partner ro suspek ag ginpahayag eamang kara nga nagpahilot imaw sa biktima.
Ginbalewala eamang raya it anang live-in partner pero napansin nana nga naduea ro anang kwarta kasunod kara nadiskubrehan nana nga may gaob sa eawas ro babaye ag gin-amin it biktima nga gin-rape imaw it suspek.
Insigida man nga nagreport ro daywa sa mga otoridad ag nagkasa it manhunt operation kuntra sa supek.
Ginpahayag man nga nakaagi it stroke ro 60-anyos nga babaye.
Sa presente, nakadetain sa Pototan police station ro akusado ag nagahueat it kaso nga ipasaka kuntra kana./JIL B. LACSON
