Nagdumara hin libre nga cervical cancer screening an Rural Health Unit han Catarman ngadto han mga babaye hini nga empleyado man gihapon an asawa han mga lalaki hini nga empleyado.
Sumala kan Dr. Dana Noroña, medical officer han RHU Catarman, iginduduso han ira buhatan an mga kababayin-an nga nag-eedad hin 25-65 anyos nga magpailarom hin cervical cancer screening mahitungod nga amo ini an ika-duha ha pinaka-kumon nga klase hin cancer ha mga babaye sunod han breast cancer.
Dugang pa hini, dida han 2023, 4,836 an nagpailarom han mao nga screening ha Catarman ngan 54 hini nga ihap an nag-positive ngan lima naman an na-diagnose han mao nga sakit.
Ginhatagan hin duon han mao nga doctor an importansiya han nasabi nga screening mahitungod nga an cervical cancer in waray ginpapakita nga sintomas ha early stage hini ngan an pinakamasayon nga pagtambal hini in amo an early intervention nga posible la mahitabo kun magpapailarom hin cervical cancer screening. //edited, MENG TRINIDAD
