LEGAZPI CITY – Ipapanao atsyan na alas 7 nin banggi an rinibong kantidad nin mga papremyo para sa mga mahiling asin maatendir kan Conciertong Pasasalamat sa ultimong aldaw kan selebrasyon kan Magayon Festival 2024 sa Old Airport, Legazpi City, Albay.
Pig-aabangan man an performance kan mga bandang FRANCO, POWERSPOONZ asin an 6th Year Tawag ng Tanghalan Grand Champion Lyka Estrella pati man an pag-perform kan manlain-laing local bands sa probinsya.
An maeenot su boot na 2,500 na katawo para sa general admission, iyo an matatawan nin raffle ticket paglaug mismo sa venue.
Dugang pa kan opisina, ora mismo, mareresibe kan mga manggagana an saindang cash prizes asin appliances.
