Walay nakitang foul play ang mga imbistigador sa Ecoland Police Station sa pagkamatay sa usa ka caretaker/driver nga napalgang nagbuy-od sulod sa usa ka establisyemento sa Barangay 76-A Davao City kagahapon.
Una niini, girespondihan sa mga sakop sa Ecoland PNP ang report kabahin sa pagkamatay sa biktima nga giilang si Ramil Abadilla, 33 anyos nga taga Brgy. 19-B ning syudad.
Sa imbistigasyon, gitawagan sa iyang amo ang biktima apan wala kini mitubag hinungdan nga giadtuan ug didto nakita nga nahigda sa salog sulod sa moskitero ug wala na nagginhawa.
Saysay usab sa amahan nga dunay sakit sa kasing kasing ang biktima ug gituohan nga posibleng giatake kini ug walay nakatabang kaniya.
Sa karon gihaya na sa pamilya ang lawas sa biktima. BNFM-DAVAO
