Andam na matud pa ang mga care kits nga ipaghatag ngadto sa mga nagpositibo sa COVID-19 nga wala pa mabalhin sa pasilidad ug naghulat nga ma-pick-up.
Sumala kang Davao City Mayor Sara Duterte-Carpio, giandam na sa health group ang maong care kits nga gilangkuban sa mga butang nga magamit samtang naka-self isolate.
Sigon sa akalde nga gitagana ang care kits alang sa mga asymptomatic ug mild patients apan dili kini paigo alang sa severe ug critical cases nga nanginahanglan na ug mechanical ventilators.
Una nang giangkon sa City Health Office nga naglisud na ang mga sakop sa Rapid Action Team sa pagpick-up sa tanang pasyente ilabi nang anaa ra sa 300 kada adlaw ang kaya mabalhin sa pasilidad.
Tungod niini padayong giawhag ang mga naghulat ibalhin sa isolation facilities nga mag-self isolate una. BNFM-DAVAO
