Plano sang provincial government nga magtukod sang solar farm sa Capiz agud masabat na ang problema sang mga pumuluyo nga naga-antos sa tion nga madulaan sang suplay sang kuryente.
Suno kay Governor Fredinel Castro, sadtong nagligad nga Enero 1 tubtob 5 nagtuga sang dako nga kapyerdihan sa ekonomiya ang lapnagon nga black-out sa isla sang Panay, bangud man sa kapalpakan sang National Grid Corporation of the Philippines (NGCP).
Nahibaluan, ang nasambit nga proyekto ang igatukod sa banwa sang Panitan malapit sa pasilidad sang Capiz Electric Cooperative (CAPELCO) kag linya sang NGCP kun sa diin nagalapad ini sang 100 hectares.
