Inihayag ng gobyerno ng Canada na muli nilang pinalawig ang ipinatutupad na border restrictions nito sa non-essential travel sa Estados Unidos hanggang July 21, 2021.
Ayon kay Prime Minister Justin Trudeau, hangga’t marami pa ring kaso ng COVID-19 sa kanilang bansa ay bawal munang tumawid ang mga mamamayan sa border nila patungong Amerika.
Dagdag pa ni Trudeau, nasa 20% pa lamang mula sa target nilang 75% ng populasyon ang nakakumpleto ng dalawang dose ng bakuna kontra COVID-19.
Kapag naabot na aniya ang kanilang target ay saka pa lamang luluwagan ang mga ipinatutupad na restrictions sa Canada.
Sinabi naman ni Public Safety Minister Bill Blair na ang naturang pag-extend sa border restrictions ay may kaugnayan sa pamahalaan ng Amerika.
Mababatid na nagsimula ang pag-ban ng non-essential travel sa mga borders ng Canada at Amerika noon pang Marso ng nakaraang taon.
