LEGAZPI CITY – Tinawan-pagbisto kan lokal na gobyerno nin Camalig an saindang residente na nag top 10 sa ikinondusir na April 2024 Physicians Licensure Exam (PLE).
Binisto ining si Dra. Elica Yem Loma Arcilla gikan sa Brgy. Baligang na tinawan nin certificate of recognition asin cash incentive huli sa itinao kaining onra sa banwaan.
Magigirumduman, nag topnotch si Arcilla makalihis makakua nin 86.92% na rating sa nasambit na eksaminasyon na iyo man an kaenot-enoteng pagkakataon na may nag top sa PLE puon pa kan foundation nin College of Medicine kan taon 2014.
