Dakpan ang call center agent nga misulay pagpalusot og gituohang shabu sa TF Davao Sirawan Joint Checkpoint alas-6:50 kagabii, Oktubre 24, 2023.
Nabantayan sa police duty personnel sa TF Davao Sirawan Joint Checkpoint, nga wala nahimutang ang driver sa kotse sa dihang nagpahigayon og ocular inspection sulod sa sakyanan sa suspek nga nailang si Abbu Kimson Lozada Laguindam, 36, minyo ug residente sa Nissan St., Jerome, Brgy. Lapu-Lapu, ning syudad.
Na-spotan sa pulis ang mga nagkadaiyang gidak-on sa pakete sa gituohang shabu, improvised glass tooter nga duna pay residue sa ilegal nga droga, ug uban pang drug paraphernalia.
Kinatibuk-ang drug items nga nakuha sa suspek mutimbang sa kapin kon kulang 2.7 grams ug gibana-banaan nga mukabat sa DDB Value nga Php 18,000.00 ug street value nga Php 43,000.00.
Kasamtangan, gipaslak na sa selda sa Toril PNP samtang gihikay na ang kasong paglapas sa RA 9165 kon Comprehensive Dangerous Drugs Act of 2002.
