TUGPA sa prisohan ang duha ka kawatan og manok pangsabong ug durian kagabii sa farm nga nahimutang sa Brgy. Tagluno, Toril, ning syudad.
Ang mga dinakpan positibong gitudlo sa tag-iya nga si Lucio Luy III, 46, minyo, businessman ug residente sa Purok 4, Brgy. Alamabre, Toril, human nga iyang nasakpan ang mga suspek nga nailang sila REX RALLOS LAÑOHAN, 41, driver ug alyas RENIEL, 18, nga susamang nanimuyo sa Astorga, Davao del Sur.
Naaktuhan sa tag-iya ang duha ka suspek nga nangawat sa iyang farm bitbit ang iyang manok nga pula pang sabong ug ang gibana-banaan nga 50 kilos nga durian sakay sa tricycle (payong paying) sa mga suspek.
Malampuson hinoon nga nabawi sa tag-iya ang gipangkawat sa mga suspek.
Kasong Theft ang gihan-ay batok sa mga kawatan.