Isang bungo at ilang pirasong mga buto ng tao ang nadiskubre ng isang menor de edad sa may damuhan sa Brgy Lunzuran, Zamboanga City, ayon sa inilabas na ulat kahapon.
Sa inisyal na imbestigasyon ng Police Station 5 Divisoria, ang nasabing human skeleton ay natagpuan, dakong alas -04:50 ng hapon ng mga menor de edad at mga kasamahan nito.
Nakitang hiwa-hiwalay umano ang bungo at iba pang mga buto at bahagi ng katawan na hinalang itinapon sa may damuhan. Tinipon lamang nila ito at isinilid sa isang plastic bago inireport kay Brgy. Chairman Joel Jose ng Brgy. Lunzuran na siyang nag-report sa Police Station 5 Divisoria nang nasabing lungsod.
Patuloy pang iniimbestigahan kung sino ang posibleng nagtapon ng mga buto sa damuhan at kung anong krimen ang dapat panagutan nang may salarin. Guen Delos Santos
