Daina E. Gerona
Ginapanglantaw ang posibilidad sa pagsaka sa alert level 3 sang bulkan Kanlaon sa bisan sa ano nga oras bangud sa mga pinaka-latest nga aktibidad ukon paghulag sang Kanlaon nga na-obserbaran sang Philippine Institute of Volcanology and Seismology (PHIVOLCS).
Base sa datus sang Electronic Distance Meter (EDM) sang PHIVOLCS nga may yara sang nadiskubrehan nga swelling ukon paghabok sa tunga-tunga kag idalum nga porsyon sang southeastern slope sang Bulkan.
Magluwas sini, may narekord man ang PHIVOLCS nga 19 ka mga volcanic earthquake ukon linog, kag ang ini nga mga aktibidad kag changes sang Bulkan ang posible Isa ka indikasyon sang magmatic intrusion ukon liwat nga pag-alboruto sang Bulkan.
Dugang pa, nagasaka man sa average 2, 296 tons ang concentration nga ginabuga ni Kanlaon ukon ang Sulfur Dioxide, rason nga hugot pa sa gihapon nga ginadumili-an ang pagpalapit sa 4KM PDZ.
