SUBLING giablihan na ang turismo sa Glan, Sarangani Province alang sa mga residente sa rehiyon-12 apan gisiguro ang pagsunod sa tanan sa health protocols.
Sa gipagula nga Executive Order (EO) No. 31 series of 2021 ni Glan Mayor Vivien Yap, gikan Hulyo 01, 2021 abli na ang turismo.
Apan kinahanglang masunod ang restriction ilawom sa quarantine classification sa Glan nga General Community Quarantine (GCQ). Gitugotan sa LGU ang 30% capacity sa mga rooms, function halls, restaurant ug cottages sa mga beach resorts.
Wala usab gitugotan ang ‘walk-in guest’ rason nga kinahanglan usa ang makapa-booking bag-o ang pag-adto sa mga resorts. Rekisitos usab ang pagbitbit og ‘antigent’ test negative result tulo kaadlaw bag-o ang pag-adto sa Glan.
Magbitbit og confirmation slip gikan sa resort asa magcheck-in ug kinahangalan magdala og DVY Cares QR Code.
Hunyo 16, 2021 nadesisyonan ni Yap ug miyembro sa Glan Tourism Industry Association nga temporaryong isarado ang 35 ka beach resort tungod sa padayong pagsaka sa kaso sa virus sa lugar.
