KULANG ang pagkaon alang sa persons deprived of liberty (PDL) sa GenSan City Jail dungan sa pagsaka sa presyo sa palaliton.
Matud ni Supt. Reuvin Olivo, bag-ong jail warden naa sa P70 matag inmate ang budget nila sa ‘good for 3 meals.
Ang budget sa pagluto sa pagkaon ug gasolina ang ginakuha usab sa maong budget.
Luyo niini, gipasalamatan ni Olivo ang tabang sa Enhanced Partnership Against Hunger and Poverty (EPAHP) sa Department of Agrarian Reform (DAR) 12.
Naa usab 400 ka sako sa bugas matag bulan ang ginapalit sa Bureau of Jail Management and Penology (BJMP) sa GenSan sa National Food Authority (NFA).
Sa karon naa sa 1,350 naa sa male dormitory samtang 100 kapin ang inmate nga babaye sa City Jail sa Purok Lanton, Barangay Apopong.
Luyo niini, gibutyag ni Olivo nga tandi sa inmate sa ubang jail facilities sa nasud ‘buhong’ ang mga inmate sa GenSan. “Sa pagkain, sagana lahat sila dahil marami tayong mga tumutulong,” asoy ni Olivo.
Sagad sa nabalhog sa pasilidad ang duna nay kaso sa korte, padayong giimbestigahan ang kaso, naghulat og sentensiya ug nagserbisyo na sa sentensiya sulod sa tulo katuig. I Richel Gubalani
