GINAREKLAMO karon sa usa sa nagabiyahe og traysikel sa dakbayan ang gikaingon niini nga kulang sila og kahibalo may kalabotan sa dili na masubli ang paghatag og prangkisa ngadto sa mga natapos na ang prangkisa luyo sa gusto pa nila nga mubiyahe sa Gensan.
Segon sa usa sa tag-iya og traysikel nga gusto lang nga magpatawag sa pangalan nga Ondoy nga gikakurat nila ang maong lakang sa Local Government Unit (LGU) – Gensan tungod kay wala sila nasultihan kalabot sa dili pagrenew og prangkisa.
Pangutana pa niini nga unsa nalang ang ilang kapalaran tungod pinaagi sa iyang nadunggan gikinahanglan nga magpamiyembro una sa kooperatiba ayha pa mahatagan og prangkisa sa Motorized Franchising and Regulatory Board (MTFRB).
Gikabalak-an usab niini nga dili tanang traysikel nga yellow ang kolor sa plaka ang makasulod kay pinaagi usab sa iyang nadunggan limitado lang ang dawaton nga mahimong miyembro sa koopratiba.
Samtang sa bahin ni Josue Fernandez, ang nagatindog karon nga lider sa grupo sa Red Cluster sa mga traysikel nga nindot unta og kadtong gusto nga magparenew og prangkisa nga magpamiyembro sa kooperatiba.
Gipaklaro sa nahisgotan nga muabot ang adlaw nga ipaagi ngadto sa matag kooperatiba ang pagrenew sa prangkisa.
Hinuon gitino niini nga wala pa nagarenew og prangkisa ang LGU-Gensan sa pagkakaron gumikan kay magmiting pa ang mga nagalangkob sa Motorized Transport Franchising and Regulatory Board kon MTFRB.
Sa bahin nga dunay nagareklamo nga kulang sila og kasayuran nga ipaagi sa kooperatiba ang pagparenew og prangkisa gipamahayag niini nga napaabot na ang maong impormasyon pinaagi sa uban pa nga mga pangulo sa grupo sa traysikel. I Danny Casi
