Ginbaton it Malay LGU ro pagpatindog it Iloilo-Capiz-Aklan Expressway (ICAEx) project paagi sa Public Private Partnership para sa pagpanami it turismo sa probinsiya it Aklan.
Tuyo it proposed four-lane toll expressway nga mas mapadali ro pagbiyahe sa maeain-eain nga probinsiya it Western Visayas partikular eun sa Iloilo, Capiz ag Aklan.
Ro 210-kilometer road paadto sa Malay, Aklan hay naghalin sa Leganes, Iloilo nga maga-agi sa 20 munisipalidad sa isla it Panay.
Ro nasambitan nga proyekto hay magakonekta sa mga ginapatindog nga transport terminal sa Barangay Sambiray Malay, Aklan.
Maliban pa dikara, nakakonekta man ro toll road sa Panay-Guimaras Bridge./JIL B. LACSON
