SA pagsugod sa bag-ong tuig, gisugdan ni Brigada Elmer V.Catulpos ang unang adlaw sa pagbalik sa mga empleyado sa usa ka mainitong pagtimbaya ug pagdasig alang sa mabungahon ug malambuong tuig 2022.
Segun ni Catulpos, nga kung basehan ang performance sa Brigada Group, kini ang nagmadaugon sa milabayng tuig 2021.
Kini tungod sa kompanya ug sa mga empleyado niini nga nakahimo sa pagmugna og kinaiya isip mananaog.
Nabatukan ang kompetisyon, huyang nga market conditions ug nagmalampuson sa pagkab-ot sa mga target.
Tungod sa maayong kalampusan miaging tuig, gibutyag sa Ama ng Brigada nga nahimong maayong opurtunidad ang mga hagit ug nagmadaugon ang Brigada.
Gani bag-o mitak-op ang tuig 2021, nakaangkon og laing kadaugan ang Brigada, ug nabawi ang dungog alang sa 89.5 Brigada News FM Gensan nga nahimong dominant overall number 1 radio station sa GenSan subay sa 4th media study sa AC Nielsen.
Nabawi sa BNFM GenSan ang posisyon niini nga gihuptan, lima ka tuig ang milabay ug gibiyaan ang nagsunod nga istasyon sa dakong puntos gumikan na usab sa pag-explore sa nagkadaiyang opsyon ug approaches aron mahimong number 1 pag-usab.
Dungan niini, giawhag ni Catulpos ang tanan nga pakusgon pa ang
Brigada eagle spirit, aron magsilbing motivation sa pag-explore sa mga opurtunidad nga moabot ning tuiga.
Subli usab gitimbaya ang tanan, ug gitawag nga winners ug magpabilin kini nga kinaiya sa kasamtangang tuig, 2022.
