“HE is the perfect man to become a leader of GenSan.” Kini ang dakong pagtuo ni kanhing GenSan city councilor Brigada Vic Dante alang ngadto ni Brigada Elmer V.Catulpos nga nagapapili sa pagka-mayor sa GenSan.
Alang kang Dante nga gipakatawo si Brigada Elmer nga lider, pagpamatuod niini kung giunsa niya sa pagdumala ang gitukod nga kompanya.
Nagtuo usab si Dante nga si Brigada Elmer ang makatuman sa dakong damgo niini alang sa mga katawhan sa GenSan, tungod halos tanan nga iyang gidamgo natuman tungod sa pagkakugihan niini, lantip ang panghunahuna ug matinud-anon gawas nga passionate sa iyang ginahimo.
Gani, gidugang niini nga wala nasayop sa pagpili og partido si Brigada Elmer nga dalhon nga mao ang Achievement with Integrity Movement kun AIM tungod kini lang matud pa ang partido nga 100 percent nga may integridad.
Nagtuo usab si Dante nga kung si Brigada Elmer ang mudaog, dako gayud ang mahimong kalambuan sa kinabuhi sa katawhan ug sa GenSan.
