WALA pa gihapon makab-ot sa Gensan ang 70 porsyento nga target mabakunahan sa mga senior citizen.
Kini ang gibutyag ni Dr. Fidel Peṅamante Presidente sa Philippine Medical Association local chapter tungod daghan gihapon ang nagabalibad nga magpaturok og bakuna sa moang mga age group.
Sumala niini nga sa ubang age group dako na ang porsyento sa nabakunahan apan sa mga tigulang naglisod og engganyo ang mga vaccinators kanila.
Ang ubos nga vaccination rate sa mga senior citizen sa kasikbit nga lugar nakaapekto usab sa ubos nga ihap sa mga vaccinated dinhi sa syudad. Gipanghinaot sa opisyal nga mo-kooperar ang tanan sa pagpabakuna aron adunay proteksyon batok sa virus labaw na sa daghang mga economic activities nga ginapahigayon.
Giawhag niini ang tanan lakip mga opisyales sa barangay nga ipadayon ang vaccination sa nagkadaiyang rural health unit aron mapakusgan ang pagpabakuna sa mga tigulang. I Enamie Mogpon
