Ginaeauman ro pagbuhos it maabung turista sa isla it Boracay sa nagahilapit nga summer season.
Bangud sa international travel bans ku March 2020, mas ginpili it pilang domestic travellers ro bumisita ag i-explore ro pilang nature-based destinations.
Sa pihak it mga lockdown ag travel restrictions bangud sa pandemya, nagbatun gihapon ro Boracay it kapin sa 184,000 nga domestic tourists ku 2021.
Base sa Malay Municipal Tourism Office, kapin sa 310 eon ro mga foreign tourists ro bumisita sa isla matapos uman nga buksan it nasyun ro borders para sa mga vaccinated foreigners.
Kinhangean eang nga ipakita it tanan nga foreign tourists ro andang mga vaccination card bilang pre-entry requirement.
Ag kung partially or unvaccinated dapat magpakita it pamatuod it negative Covid-19 test results sa sueod it 72 hours bago ro andang flight. / ANN DESLENE SALAZAR
