Padayun ro pagmonitor ag pag-identify it Malay Municipal Police Station sa mga drug personalities sa isla it Boracay suno kay Malay Chief of Police PLTCOL Don Dicksie L De Dios.
Ginklaro man ni PLTCOL De Dios nga owa imaw nagdeklara it ‘drug free’ ro Malay ngani padayun gihapon sanda nga naga operate.
Suno sa hepe, ro anang ginhambae hay ‘drug cleared’ ro isla nga ro buot hambaeon hay natumod eon ro tanan nga drug personalities ag katuwang nanda ro mga ahensya kaparehu it DILG, PDEA, provincial levels, PDEU para ma-validate ro mga raya.
Nasayuran nga magkaiba ro buot hambaeon it ‘drug-free’ ag ‘drug-cleared’.
Ginhambae ni De Dios nga kung ginhambae nga ‘drug-cleared’, raya hay ro mga dating ginakabig nga drug-affected barangay bangud sa pag angkon it mga drug personality, parehu it illegal drug users, pushers, ag presensya it drug dens.
Ginakabig man nga ‘drug-free’ kung owa it naireport nga presensya it illegal drug users, pusher o anumang illegal drug activities. // ANN DESLENE SALAZAR
