GILAUMAN karon ni Resituto “Jong” Facurib, president sa GSCGEA ug terminal administrator sa Bulaong terminal nga mahatag na ang ilang
Collective Negotiation Agreement bonus, not earlier than December 15.
Giangkon ni Facurib nga mao kini ang ginahulat na karon sa mga empleyado sa city hall apan ang makadawat sa maong bonus ang mga anaa sa plantilla positions, mga regular employees, co-terminus ug casual employees ug walay apil ang mga job order workers.
Dugang pa niini nga kasamtangan ginatigom pa sa City Budget Office ang tanang savings ug magdependi usab sa savings nga maggikan sa MOOE ug travel expenses.
Anaa sa maximum nga P25,000 kada usa ang madawat sa mga nahisgutang empleyado subay sa ulahi nilang nadawat miaging tuig.
Gibutyag usab ni Facurib nga bisan walay madawat nga susamang bonus ang mga job order, naa gihapon silay madawat gikan sa city government.