San Jose, Antique – Ginaduso ni Board member Mayella Mae Plameras-Ladislao bilang nagapanguna sa committee on health kang provincial board ang pagpasad kang nutrition office sa probinsya agud mag-focus sa pagsabat kang malnutrition sa Antique nga nabalhag nga piankamataas sa Western Visayas kang tuig 2023.
Suno sa National Nutrition Council sa rehiyon, kang tuig 2023, 3,190 sa 50,196 ka mga kabataan edad 0-59 months ang underweight sa probinsya, samtang 5,286 naman ang stunted kag 969 ang wasted.
Ang Operation Timbang Plus ukon ang tuigan nga mass weighing bilang dugang sa pagsukol kang kataasun kang preschool nga mga bata ang nagadeterminar kang andang nutritional status.
Na man-an nga humalin 2019, may naka-angkla nga opisina ang nutrition program kang Antique sa Integrated Provincial Health Office (IPHO), kay may nakadesignar nga provincial nutrition action officer.
Photo: UNICEF
