Itataas sa blue alert status ang National Disaster Risk Reduction Managament Council o NDRRMC simula bukas bilang bahagi ng paghahanda ng pamahalaan sa Nazareno 2024.
Ayon sa NDRRMC, itataas nila ang alert status ng NDRRM Operations Center upang matiyak ang kaligtasan ng mga deboto sa Traslacion.
Nakatakda rin i-activate ang incident management team na pamumunuan ng Manila City DRRM Office upang subaybayan ang sitwasyon at pamahalaan ang mga insidenteng maaaring maganap sa prusisyon.
Nakikipag-ugnayan na rin umano ang OCD -NCR sa Manila DRRM Office kaugnay sa naturang paghahanda sa Nazareno 2024.
