Gibutyag sa Department of Education-XI nga magpadayon gihapon ang blended learning alang sa umaabot nga school year 2021-2022.
Sumala kang DepEd-Xi Spokesperson Jenielito Dodong Atillo, ang pagpadayon sa blended learning nunot sa nahimong derektiba ni Pangulong Rodrigo Duterte nga dili una ihinayon ang planong limited face-to-face classes.
Nasayrang una nang gipamahayag sa opisyal nga anaa sa 18 ka pampublikong tulunghaan sa rehiyon ang padayong nangandam sa limited physical classess luyo nga gioktaba una sa Presidente ang pagpahigayon niini.
Kini tungod sa mikaylap karon nga bag-ong variant sa COVID-19 nga Delta variant nag mas paspas ang transmission kumpara sa orihinal niini nga virus.
Kahibaluan usab sa miaging semana lang gikumpirma sa Department of Health nga anaa na ang presenya sa Alpha ug Beta variant nga pulos nahilakip sa variants og concerns sa Department of Health.
Ang nasangpit nga mga kaso ang nadiskubre sa Davao del Norte ug pinakadaghan sa Davao CIty apan anaa na lamang sa upat ang pabiling aktibo sa naasoy nga Variants of concerns sa COVID-19. BNFM-Davao
