Dili hatagan og prayoridad sa health cluster sa Davao City ang Priority A4 Group o ang mga frontline personnel sa essential sector sa syudad alang sa Pfizer-BioNTech Covid-19 vaccine.
Gipasabot ni Davao City Covid-19 Vaccine Cluster head Dr. Josephine Villafuerte , nga prayoridad hatagan sa maong bakuna ang anaa sa A1 frontline health services, A2 mga senior citizens, A3 mga dunay comorbidities ug ang A5 group mao ang indigent population (lakip indigenous peoples ug 4Ps beneficiaries).
Dugang ni Villafuerte, ang Pfizer vaccine suplay nga anaa karon sa syudad gikan sa COVAX facility nga dunay kaugalingong mando nga angay tahuron partikular ang paghatag og prayoridad sa mga grupo gikan A1 hangtud A5 apan walay labot ang A4.
Tungod niini, mga bakuna nga CoronaVac ug Astrazeneca ang gamiton sa pagbakuna sa maong grupo aron dili matuis ang kabobot-on sa COVAX.
Nasayrang sa tibook Davao Region bugtong ang Davao City ang makagamit sa 239,850 doses sa Pfizer vaccine nga gipadala sa national government sanglit kini lamang ang dunay katakos nga makapondo sa maong bakuna gamit ang
ultra-low storage facility.
Sa bulan sa Hulyo laumang sugdan na ang pagbakuna sa mga frontline personnel sa essential sector apan posible usab nga masugdan karong semanaha depende sa kaandam sa sektor.
Samtang wala pay detalye nga gihatag ang opisyal kalabot sa vaccination rollout alang sa A5 group.BNFM-DAVAO
