Sa kustodiya eon makarun it Kalibo PNP ro sangka binatilyo matapos raya nga maaktuhan nga nagsueod sa sangka establisyemento sa may Barangay Andagao, Kalibo, Aklan kaina it agahun.
Sa report sa Kalibo PNP, kat maaktuhan ro binatilyo hay nagdaeagan raya rasun nga gin-eagas imaw it pilang ka mga kaeaeakihan nga sa area rasun nga nadakpan.
Nasayuran nga ginhana pa segun nga bun-on it suspek it mataliwis nga butong ro babaye nga sa sueod it restaurant nga anang ginsueod.
Owa man it habuoe ro suspek sa sueod it nasambit nga establisyemento.
Ginapatihan nga panakaw ro motibo it nasambit nga suspek nga sangka 17 anyos.
Samtang, maabung insidente it pagpanakaw ro ginapa-rekord makarun sa Kalibo PNP. / ANN DESLENE SALAZAR
