SORSOGON CITY – Natagpuang wala nang buhay ang isang binata na hinihinalang nagpakamatay matapos makitang nakabitin ang katawan nito sa loob ng kanilang bahay sa Sitio Madan-an, Brgy Bibincahan, Sorsogon City.
Lumabas sa inisyal na imbestigasyon ng Pulisya na walang foul play at nagpatiwakal ang 24-anyos na binata.
Sa salaysay ni alias John, kapatid ng biktima, laking gulat niya nang makita ang kanyang kuya na nakabigti sa ikalawang palapag ng kanilang bahay.
Hindi rin malaman ng pamilya ang problema o dahilan ng pagpapatiwakal ng binata.
Ang mga labi ng biktima ay dinala sa punerarya para isailalim sa awtopsiya.
