Umaabot na sa 230, 864 ang bilang ng mga nakapagparehistro sa Philippine Identification System o PhilSys sa lalawigan ng Camarines Norte.
Batay ito sa datos ng Philippine Statistics Authority (PSA) hanggang nitong September 28, 2021.
Maaari na ring mag online booking appointment ang mga residente sa mga bayan ng Basud, Daet, Jose Panganiban, Labo, Mercedes, Paracale, Sta Elena at Vinzons.
Sa mga residente sa nabanggit na bayan ay hinihimok na mag register online o mag log- in gamit ang mobile number o email address sa https://register.philsys.gov.ph para makapag-book ng appointment.
Ang pinakamaagang schedule ng appointment ay sa October 5, 2021.
Sa pakikipag ugnayan ng Brigada News FM Daet kay PhilSys Focal Person Mary Jane Laviña, inihayag nito na magkakaroon na rin ng registration center sa SM City Daet pero wala pang tiyak na petsa.
Depende rin kasi ito sa Provincial Incident Management Team kung papayagan nang lumabas ang mga 17 taong gulang pababa.
Batay kasi sa umiiral na panuntunan ng IMT, ipinagbabawal pa rin ang paglabas ng mga 17 taong gulang pababa sa harap na rin ng patuloy na banta ng COVID- 19.
Una na kasing plano ng PSA na isabay ang pagkakaroon ng registration sa naturang mall sa grand opening nito sa October 15.
Narito ang kabuuang bilang ng mga nakapagparehistro sa PhilSys sa 12 bayan:
Basud 16, 834 Labo 44, 155
Capalonga 16, 160 Mercedes 16, 998
Daet 37, 038 Paracale 19, 488
San Lorenzo Ruiz 10, 351 San Vicente 8, 143
Jose Panganiban 17, 937 Sta Elena 18, 073
Talisay 9, 336 Vinzons 16, 351
