CAMARINES NORTE- Umaabot sa 1, 551 ang bilang ng mga nabakunahan kontra COVID- 19 sa lalawigan ng Camarines Norte ngayong linggo o mula March 21 hanggang March 24, 2022.
Batay ito sa datos ng Provincial Covid- 19 Vaccination Operation Center.
Pinakamarami ang nabakunahan noong March 22 na mayroong 573 at 450 noong March 21.
Sa kabuuan umaabot na sa 67 % ang bilang ng mga nabakunahan sa lalawigan mula March 2021 hanggang March 24, 2022 sa 508, 737 population.
Sa Priority Group A2 o senior citizen nasa 35, 192 o 64 % ng 55, 004 ang nabakunahan.
Sa mga edad naman na 18- 59 taong gulang nasa 241, 278 ang nabakunahan o 73 % ng target na 330, 178.
Mataas- taas na rin ang mga nabakunahan sa pediatric population 12- 17 na nasa 58, 598 o 75 % ng 78, 413.
Sa edad 5- 11 na nakakadalawang linggo pa lang ng pagbabakuna ay nasa 2, 350 o dalawang porsiento ng target na 97, 638.
Patuloy naman ang panghihikayat ng Department of Health sa mga hindi pa nagpapabakuna na makipag ugnayan sa pinakamalapit na health center para mabakunahan.
