Gipahigayon pasado alas dos ang takna kagahapon sa hapon ang virtual inauguration sa Metro Davao Bike Lane Network Project.
Ang aktibidad gipangunahan sa Department of Transportation pinaagi ni Secretary Arthur Tugade; Department of Public Works and Highways pinaagi ni Secretary Mark Villar ug Davao City Mayor Sara Duterte Carpio.
Hunyo 30 ning tuiga sa dihang opisyal nang nakumpleto ang 54.71 ka kilometros nga bike lane network ning syudad sa davao nga naglatas sa 14 ka road sections.
Bida sa bike lane network ang puti ug green nga markings, signage, bollards, bike symbols ug concrete delineators aron masiguro nga luwas ang bikers.
Ang bike lanes hitsas usab sa solar studs ug planters alang sa greeneries ug mga kahoy nga maoy mohatag ug landong, kabugnaw ug preskong hangin sa mga siklista.
Aduna usab solar studs ug bike racks aron komportable ang bikers.
Ang bike lanes mahinungdanon labi na panahon sa pandemya aron himoong mode of transportation ug adunay social distancing.
