Nagpositibo sa COVID-19 ang tulo ka mga diarrhea patients sa Barangay Tulalian Santo Tomas Davao del Norte samtang misaka pa sa tulo ang namatay tungod sa water-borne disease human nadugangan og duha karong adlawa.
Subay sa report gikan sa Santo Tomas municipal health office, ang tulo ka pasyenteng nagka-COVID-19 nakumpirma nunot sa gipagawas nga sa resulta sa ilang RT-PCR result kaganiha.
Usa kanila ang 20-anyos nga symtomatic samtang ang duha mga asymptomatic nga gipailawum sa strict isolation dungan sa pagpaalim gikan sa nasinati nga diarrhea nga lakip sa 99 ka pasyente nga gipailawum sa swab testing.
Ang duha ka pasyente usab nga nakabsan karong hapon human nahutdan og body fluids nga gilangkuban sa 81-anyos nga namatay sulod sa Carmen District Hospital ug ang
69-anyos nga gidagan sa makeshift treatment facility sa Barangay Tulalian Covered Court nag nakasinati sa
hypovokemic shock (severe body fluid loss).
Sa gilusad usab nga random rectal swabbing sa 17 ka pasyente, walo kanila ang nagpositibo sa cholera kung diin una na usab gikumpirma nag nakasinati ang ubang residente og acute diarrhea secondary to amoebiasis.
Mikabat na sa 444 ang ihap sa mga naigo sa diarrhea kung diin 88 niini ang gipangdala sa mag pribado ug pampubliko nga ospital.
Nang-apod-apod na usab ang MHO og aqua tabs, usa ka water purification tablets nga mopatay og mikro-organismo aron mapugngan ang cholera, typhoid, dysentery ug ubang water borne diseases.
Padayon usab ang chlorination effort sa Santo Tomas LGU ug ang pagsuplay og tubig mainom sa mga residente ug gisirado una ang reservoir nga tinubdan sa tubig nga prone sa bacteria contamination samtang nagahulat sa laboratory results sa water sampling. BNFM-DAVAO
