Gisiguro sa Mindanao Development Authority (MinDA) nga mahuman ang tanang dagkong proyekto dinhi sa Mindanao bisan pa man nga monaog na sa pwesto si Pangulong Rodrigo Duterte sa Hunyo 30 kasamtangang tuig.
Matud ni MinDA Assistant Secretary Romeo Montenegro, ipadayon ang implementasyon sa priority program sa gobyerno sama sa wala pa nasugdang Davao-Samal Bridge ug ang konstruksyon sa Mindanao Railway Project.
Gisaysay ni Montenegro nalangan ang implementasyon sa Davao – Samal Bridge nga unta gisugdan niadtong 2021 tungod sa anaa pa sa discussion stage pa usab ang gobyerno ug Chinese government nag maoy mohatag og loan alang sa maong proyekto.
Alang usab sa Mindanao Railway Project, gilauman nga magsugod ang proyekto sa higayon nga mahan-ay na ang gagmayng detalye.
Dugang sa opisyal, sa panahon nga mahuman ang maong mga problema sugdan na usab ang nasangpit nga proyekto tungod wala nakadepende ang pondo niini sa loan dili sama sa Davao-Samal Bridge project. BNFM-Davao
