Posibleng matuman na sa bulan sa Hulyo karong tuiga ang opening sa City College of Davao (CCD) human sa duha ka tuig nag pagkadelatar tungod sa pandemya.
Matud kang City Council’s committee chairperson on education, science and technology chairperson Councilor Pilar Braga, gipaspasan sa City LGU ang pagkumpleto sa requirements nga gitakda sa Commission on Higher Education.
Anaa na matud pa sa 80-90% ang nakumpleto nga rekisitos samtang karon nangita ang syudad og temporary site alang sa opening apan target nag gamiton ang spasyo sa usa ka semenaryo sa Catalunan Pequeño.
Ang permanent site mahimutang sa 5-hectare property of sa Bureau of Plant Industry (BPI) dool sa University of the Philippines-Mindanao (UP-Mindanao) sa Bago Oshiro sa Mintal, Tugbok District.
Hinoon ang mga estudyante ug ginikanan nag gustong magpaenroll sa City College mamahimo nang mag-apply apan wala pa niini gi-detalye kung asa mamahimo mo-aplay.
Napasa sa 19th City Council niadtong January 2020 ang ordinansa sa pagtukod sa CCD diin unang gilaraw ang opening sa maong tuig usab apan nadelatar.
Ang City College of Davao mohatag og free tertiary education nga matanyag og lima ka kurso nga gilangkuban sa Bachelor of Special Needs Education (BSNEd), Bachelor of Technical-Vocational Teacher Education (BTVTEd), Bachelor of Physical Education (BPEd), Bachelor of Science in Entrepreneurship (BS Entrep), ug Bachelor of Arts in English o Filipino.BNFM-Davao
