LEGAZPI CITY – Nagin inspirasyon kan 21 anyos na Bicolanong estudyante para mangenot sa naging laban kaini sa Masining na Pagkukwento an mga Overseas Filipino Workers (OFWs).
Isturya ni Neil De Lima Vargas, 3rd year Civil Engineer Student kan Camarines Sur Polytechnic Colleges sa intrivista kan Brigada News FM Legazpi, haloy niya nang hilig an public speaking asin nagkaigwa nin pagkakataon na makaintra sa nasambit na aktibidad.
Dawa tinawan sana siya nin pirang minutong preparasyon para makapag-perform, bentahe su boot an nakuha niyang topic na may kinaaraman sa OFW asin nagamit niya man an saiyang talento na maggamit nin man iba-ibang boses.
Naka-relate su boot siya nin huli ta igwa sinda nin kaparyentes na nagtrabaho abroad.
Magigirumduman, sa sampulong estudyanteng gikan sa manlain-laing State Universities sa Bicol na nag-intra sa nasambit na kompetisyon, nangenot si Vargas digdi.
