LEGAZPI CITY – Target kan sarong atleta sa sports na Taekwondo na makua an bulawan na medalya sa nagpapadagos na Palarong Panlalawigan sa Albay na sinasagibo sa banwaan kan Guinobatan.
Segun kay Nadine Bronoso, atleta gikan sa kaparehong banwaan, nilalaoman niya na sa pagtatapos kan Palarong Panlalawigan, makakaabot pa siya sa Palarong Pambansa.
Sinabi pa kaini, limang taon na siyang nahihilig sa nasambit na sports asin an saiyang pamilya an nagsisirbi niyang inspirasyon.
Mientrastanto, ngunyan na aldaw, matapos an aktibidad asin susundan na ini nin closing asin awarding sa mga nangganang atleta.
