LEGAZPI CITY – Naghagad nin aksyon an Tricycle Operators and Drivers Association (TODA) kan Bacacay, Albay sa lokal na gobyerno mapadapit sa problema sa mga tinampong raraot asin ruloho.
Segun kay TODA President Aba Palibino, haloy na ining problema kan mga para-tricycle sa banwaan huli ta napeperwisyo man an saindang lunadan.
Ginagamit su boot kaya ninda ini sa saindang hanapbuhay asin pwedesir maraot kun dai maaaksyunan an problema sa mga tinampo.
Apwera kaini, maski an mga pasahero, nagrereklamo naman.
Naresibe kan ABC president na si Daniel Jose Bombales an kahagadan kan TODA asin tulos na inaksyunan an mga problema ninda sa tinampo sa paagi nin dumping.
Pig-eenganyar ni Bombales an TODA na kun ano man an mga reklamo, pwedesir man magtaong surat o magpasiring sa saiyang opisina tanganing mapag-urolayan asin matawan nin marekas na aksyon.
