LEGAZPI CITY – Nadakop na kan mga otoridad an Regional Most Wanted Person kan Police Regional Office (PRO) 5 sa Purok 6, Sitio Panal, Brgy. Naga, banwaan kan Tiwi, Albay.
Segun sa pulisya, isinirbi kan mga otoridad an mandahamiento de aresto kontra sa akusado na si alyas “Joel”, 19 anyos na saoltero asin dating Cafgu na residente nin Purok 1, Brgy. Libjo kan nasambit na banwaan.
Nahahampang an akusado sa apat na punto nin kasong statutory rape na warang piyansa asin presenteng nasa kostudiya kan mga otoridad para sa magkakanigong disposisyon.
