LEGAZPI CITY – Tinawan-duon kan Technical Education and Skills Development Authority (TESDA) an mga requirements asin qualifications na pighahanap ninda nganing maka-avail nin scholarship.
Sa intrevista kan Brigada News FM Legazpi kay TESDA Specialist 1 Regional Information Officer Lieanne Idjao, sinabi kaini na prayoridad ninda an mga underemployed na nangangaipuhan ki developed skills nganing makahanap ki mas maray na oportunidad.
Pag-abot naman sa mga rekisitos, kaipuhan sarong Filipino citizen, nasa 18 anyos an edad sa oras kan training, documentary requirements siring kan birth certificate, barangay clearance, marriage certificate kun kasal, photocopy nin diploma o Transcript of Record asin latest ID picture.
Pangapodan ni Idjao sa mga interasadong mag-avail, magduman sana sa mga TESDA Provincial Offices nganing mag-inquire.