Nananawagan makara do Bureau og Immigration (BI), sa mga kababayihan nga magdahan ag indi basta bastang magsugot sa gina-alok nga trabaho sa ibang nasyon bangos sa bag’ong nadiskubreng human trafficking scheme nga BITBIT.
Daya sigon hay nagahikayat sa mga kababayin’an nga magtrabaho sa ibang nasyon bilang sex worker.
Suno sa Bureau of Immigration Commissioner Norman Tansingco, isaeang baye nga biktima it nasambit nga modus do nasagip sa Ninoy Aquino International Airport (NAIA) Terminal 3, samtang nagatangka dayang maguwa sa Kota Kinabalu, kaibahan sigon nga partner.
Apang kat ing check it immigration officers do record it eaki hay nadiskubreng kababyahe eamang kara sa Malaysia nga may kaibahang ibang baye nga gi pakilaea man kanga live in partner.
Nasayuran man nga do bayeng kaibahan kara ahay uwa pa kabalik sa nasyon hasta makara.
Samtang do biktima it baye hay dali man nga gin turn-over sa Inter-Agency Council Against Trafficking, samtang do suspek hay magapangatubang sa kasong Expanded Anti-Trafficking in Person Act of 2022.//MERIAM LUMBRES AGDIPA
