LEGAZPI CITY – Nagkondusir an Bureau of Fire Protection (BFP) Daraga nin pag-inspeksyon sa mga eskwelahang gagamiton na voting precincts sa banwaan.
Enot ining ikinondusir sa Kidaco Elementary School asin Bongalon Elementary School na gagaramiton sa eleksyon sa Lunes.
Kasabay pa digdi an pag-asses kan sistema kan kuryente asin mga tubo, fire safety measures, structural stability asin an overall compliance kan building regulations.
Sa kabilugan, obheto kan aktibidad na ini na masyertong ligtas na magagamit kan mga botante an mga naunambitang pasilidad.
