GISUGDAN na sa City Treasurers Office ang pag-release sa allowances sa 667 ka mga Barangay Health Workers kun BHW sa General Santos City.
Sa kumpermasyon sa Assistant Department Head sa City Treasurers Office nga si Zenaida Eturma sumala niini nga ‘on going’ na ang distribution nga nagsugod na kaniadtong adlaw nga Huwebis sa hapon hangtud sa September 29, 2021.
Gipaklaro ni Eturma nga alphabetical Order ang gihimo nga payroll sa City Health Office alang sa Special Risk Allowance sa mga BHWs ug sa ilang hazard pay ug mao kini ang gipasunod sa cash division aron nga masunod usab ang social distancing sa pag-claim sa ilang kwarta.
Nag-una dinhi ang apelyido nga Ababon to Camillo gisundan sa Caniariso hangtud sa Dejito ug Del Carmen hangtud Galido, tag usa ka gatus ka BHW’s matag adlaw ang mag-claim adunay sa buntag ug naa sa hapon aron dili magdasok. ( Ever Diazon)
