LEGAZPI CITY – Nagsagibo nin Beekeeping Workshop an Albay Provincial Agricultural Office (APAO) sa Beefarm, AFBVille, Cabangan, Camalig, Albay kasuhapon.
An nasambit na aktibidad, may katuyuhang magtao nin praktikal na kaaraman asin kasanayan sa pag-ataman nin pukyutan sa probinsya kan Albay.
Tinawan-doon man an papel kan pollination sa ecosystem, pagmamantenir nin pukyutan, asin paggibo nin pulot asin beeswax.
Presente sa nasambit na workshop an mga indibiwal na interesado sa beekeeping, 4H Club Members, OAP Students, asin dakol pang iba.
