LEGAZPI CITY – Naarestar an sarong 25 anyos na lalaki sa isinagibong operasyon sa Purok 6, Brgy. Bonot, syudad nin Legazpi.
Isinagibo an operasyon kan Legazpi City PNP kaibahan an 1st Albay PMFC na nagresulta sa pagkakadakop sa akusado na residente man sana kan kaparehong barangay.
Arestado an akusado sa kasong acts of lasciviousness asin presenteng nagtetenir sa kustodiya kan hepatura para sa magkakanigong disposisyon.
